Sunday, March 21, 2010

潤喉清熱羅漢果水


有日與幾個友人吃飯, 當中一位靚太向我們推介羅漢果水』。羅漢果水有潤喉, 潤肺, 清熱的功效, 四季皆宜, 常飲非常有益。回家後上網找找, 原來羅漢果有助排毒, 去色班, 減肥, 對糖尿病, 胃痛, 高血壓, 便秘等等的問題也有舒緩作用。一個小小的羅漢果, 其功效之多使我有點意外。

材料:
羅漢果 ...1個
水 ... 2公升
南北杏 ... 少許 (可以不加)
薑 ... 片(可以不加)

做法:
將所有材料放入煲中, 水滾後轉小火煲 30 至 40分鐘, 熄火焗30分鐘, 即可飲用。

小提示:
1)據靚太所說, 如有咳, 可加少許南北杏。如體質屬涼, 可加片薑。我個人覺得加了南北杏的味道更佳:)
2)冷飲, 熱飲一樣咁好味。一次可煲2個份量,放入雪櫃飲用數天。

上星期日 TVB 的飲食節目『為食總司令』也推介羅漢果水,“龍皇酒樓” 老板幟哥還在節目中教大家怎樣選羅漢果。點擊這裡收看










Tuesday, March 16, 2010

遲來的鹹柑桔

鹹柑桔像醇酒, 年份越久越珍貴, 功效也越好, 只要無發霉一樽鹹柑桔可放上幾十年般人過左正月十五會將過年擺設用嘅桔仔摘下來醃制鹹柑桔, 而我就。。。見到日本超市有來至鹿兒島嘅溫室柑桔, 心裡在想。。。用日本品種醃制鹹柑桔得唔得?


今次我按照 "So Far 蘇 Good 過牛年“ 節目中介紹的方法來醃制,至於是否成功,就要等一年才可揭盎。2011年3月16日約左你一齊試味啦, 好期待呀:)














Saturday, March 13, 2010

我的第一個戚風

戚風, 雪芳, 有什麼分別?我總愛問點解?

朋友仔用行動回應我...做給我吃, 這是去年的事了。今年她再次用行動回應我...教我做, 上星期六我上了一課, 今天要練習一下, 我的第一個戚風終於出爐了。
樣子還不錯, 但鬆軟度跟老師的還有一段距離, 拌麵漿的手勢還要多多練習, 要『戚風鬆』就要『練好基本功』。