Saturday, December 05, 2009

太陽蛋吐司

為免膽固醇過高, 太陽蛋只吃蛋白已成我的習慣。今天忽然很掛念這種蛋黃香, 將太陽蛋放在塗上牛油的厚吐司上,加點黑椒成了一頓簡單而美味的午餐。




Thursday, December 03, 2009

蛋白杏汁


















蛋白杏汁和蛋白杏仁茶有咩分別? 原來加左白米就叫蛋白杏仁茶,無加就係蛋白杏汁。今晚為t-robot 預備嘅甜品係蛋白杏汁少甜版,

2人份(小甜版)
==========
60g
水 2 杯
冰糖 18g
蛋白 2隻
*如要做蛋白杏仁茶,加白米 1湯匙

做法:
1)杏仁用冷開水浸3小時,將浸透杏仁放入攪伴機加水1.25杯,用高速打4分鐘。
2)將打碎杏仁到入放了布袋的大碗內,然後用手將杏汁從布袋擠出,直至擠盡杏汁為止。
3)將杏仁渣放回攪拌機,加水0.75杯,高速打3分鐘,重覆(2)。
4)將2和3 擠出的杏汁和勻,如不即用,放入冰箱保鮮。
5)將冰糖搗碎,將杏汁放入小鍋內,加入冰糖,置中火上,不時攪拌至杏汁燒開,改用小火。
6)將蛋白加入,邊倒邊攪至加完為止,關火,加蓋,焗1分鐘。





Monday, November 23, 2009

焗日本甜薯

大減價又來啦。。。11月嘅 SOGO Thankful Week, 今次買到又平又生鮮嘅日本蕃薯, 用焗薯粒方法做蜜味甜薯, 焗好後加入蜜糖同黑芝麻, 個皮香脆個心又軟又甜, 好好味啊!

Tuesday, October 27, 2009

露筍黑豚肉卷

新菜上市:香煎露筍黑豚肉卷。

材料和調味同樣簡單,只得露筍﹠黑豚肉,為了保留黑豚肉嘅原味,只加少少海鹽﹠黑胡椒調味。


Monday, October 26, 2009

久遺了...唧花曲奇

愛過, 瘋狂過的, 今天看見這個金罐, 樣我再次想起你『唧花曲奇』。

Double Espresso Cookie : 用了12g 咖啡粉代替低筋粉,做了這款非一般的咖啡曲奇,跟 90% dark chocolate一樣,不是人人能接受,但我就好鍾意。
* 一定要睇實, 好易焗過嚨。180度, 焗10分鐘, 轉150度, 焗8分鐘, 停火後再焗2分鐘。
* 一爐不可焗太多件,曲奇之間留足夠空間。




Sunday, October 25, 2009

麵醬排骨釀小南瓜

“蒜頭豉椒蒸排骨” 除了簡單易煮更是愛人所愛, 所以每星期總會煮一次。雖則食的人不厭, 煮的欲厭了。今晚幫它來過大變身, 變變變, 變成麵醬排骨釀南瓜。將排骨放入日本小南瓜里一起蒸,南瓜吸了肉汁後非常美味 :)


Monday, October 19, 2009

香煎比目魚 + 意大利燴飯

2件手掌咁大, 產至加拿大嘅比目魚(halibut) 只售29元, 這種魚只得一條大骨, 正合我意, 加入蒔蘿來香煎, 配義大利燴飯, 就成為我今晚嘅『一人晚餐』。


義大利燴飯
*****
材料:義大利米, 洋蔥, 蒜蓉, Parmasean Cheese
調味:雞湯, 水, 鹽, 黑胡椒, 白酒

1)用橄欖油炒香洋蔥和蒜蓉,將米加入鍋里,加白酒,炒一下。
2)加雞湯和水,轉小火,中途攪拌,煮約15﹣20分鐘。
3)加鹽和黑胡椒調味, 最後加入 Parmasean Cheese拌勻, 關火, 加蓋燜2-3分鐘。



Tuesday, October 13, 2009

洋蔥牛肉飯炒底


醉翁之意不在洋蔥炒牛肉, 今晚嘅主⻆係金包銀炒飯。昨晚特意多煮一點飯留待今晚用, 經過上次失敗嘅經驗, 今次終於成功了。個飯炒得乾身而且粒粒都有蛋漿包住,so good!




Sunday, October 11, 2009

陳皮燉雪梨

天氣開始乾燥,飯後做左個清甜滋潤嘅陳皮燉雪梨俾 t-robot 享用,做法非常簡單。

材料:1人份
******
陳皮1/2角,切絲
雪梨1個,去皮,去芯
冰糖 18g
水 130g
檸檬 1小角 (加入檸檬可使雪梨保持雪白)

做法:
將所有材料放入燉盅燉1小時30分鐘。


Monday, August 31, 2009

百里香檸檬燒雞

跟 Jamie Oliver 做了這個燒雞,味道不錯,可惜家中沒有新鮮香草,否則應該更好。 食譜按這裡


Saturday, August 22, 2009

Belated Birthday Party for Iris

8月的壽星女揀了這間『不歡迎外來食物』的伽倻韓國餐廳, 食物質素OK, 但切蛋糕要俾$100, 所以我做了『香蕉朱古力cupcake』讓她帶回家, 生日蛋糕變成她的 Saturday breakfast, 還好這個cupcake 跟咖啡應該很配襯。Hope you like it!!





Monday, August 10, 2009

芒果雪芭

tRobot係一個好傳統嘅中國人, 只係飲食方面, 西式甜品唔係他杯茶, 抹茶布丁除外, 但就勁愛雪糕。為了討其歡心, 辛苦D自家做雪糕 ... 其實, 係我怕肥至真, 自家雪糕最好係可以少甜, 而且仲可以做唔同味道,i Love Sorbet

芒果雪芭食譜減甜版)
***********
鮮芒果(菲律賓芒果) ... 530 g
糖 ... 20 g
水 ... 50 cc
檸檬汁 ... 30 cc
魚膠片 ... 4 g

食譜改至“我愛冰淇淋”, Page 26


Friday, July 31, 2009

Belated Birthday Party for RC

是次party安排得比較趕, 只可為2位細小姐預備簡簡單單的朱古力cup cake, 上面加了個crispy chocolate strawberry 作裝飾, 希望小姐們有得食又有得玩, 所以蛋糕面預留位置比她們做創作。

Belated birthday party for RC at King Ludwig





Sunday, July 19, 2009

Sunday Brunch @ Home

簡簡單單的一個 Homemade Sunday Brunch, 紅葉生菜配和風沙律汁,無花果松子仁沙律走汁,巴馬火腿配蜜瓜,南瓜湯。。。












Friday, July 17, 2009

隨你鍾意

今晚忽然想吃西餐, 又想吃日本菜, 終於 t-robot賜我一隻出奇蛋, 一次過滿足我2個欲望, 放工後他到『我的最愛超市』買食材,一邊推著購物車一邊跟我通電, 需要的食材很快就買斉了, 依個係我常用嘅『遙距購物』方式 ... 快, 靚, 正,Thanks, YOU! 在家吃最好就是, 喜歡中西合璧又得, 西日合璧都可以, 最好係『隨你鍾意』。

是日晚餐: 松子仁無花果沙律 (Joy to the Kitchen) , 日本清酒煮蚌湯 (和三昧鐵板廚師), 羊扒配薯角 (Jamie Oliver@NOW TV)。個蚌湯真係好好味, 好鮮甜, 差不多每次我都會order依個湯, 廚師會用一個錫紙鍋放係鐵板上面, 加入日本清酒, 酸片, 大蔥﹠日本蚌, 煮一陣, 等蚌開口, 跟住用『明火』燒走清酒。




Friday, July 10, 2009

Mango & Passion Fruit Smoothies

我唔係芒果愛好者, 只因芒果同熱情果嘅味道好襯, 一個香甜, 一個酸甜, 加起來就係又香甜又醒胃嘅味道, 係個唔錯嘅消暑沙冰, cheers !



Monday, July 06, 2009

燕麥包 & 老麵

被 “Joy to the Kitchen” by Rachel Yau 這本書嘅靚相吸引, 又再次做包啦。今次我揀左燕麥包, 因為依款包要用包籃做型, 咁就有機會用4月係日本買番黎嘅包籃啦, 好期待個包出爐。自從開始左17小時麵包後, 老麵已有一段時間無再採用, 為免又要四處找做老麵的比例, 都係馬上做個紀錄先:

老麵材料:(50g x 5個)
高筯麵粉 ... 150g
水 ... 100g
新鮮酵母 ... 6g
海鹽 ... 0.5g
*麵團發酵2-3小時 (今次只需有1個份)

個包出爐啦,樣子都OK, 不過好唔好味呢?明早就知道 ...



Sunday, July 05, 2009

鮑魚雞煲翅

依個鮑魚雞煲翅係 t-robot 嘅作品, 不過我都有幫手, t-robot 係廚房搞左半日...材料包括1磅翅, 1隻雞, 6隻鮮鮑魚, 同用左成『擔』心機煲, 當然係好好好好好好好...味啦。

今晚好好餸, 除左有鮑魚雞煲翅, 仲有 t-robot 拿手嘅『香煎英䱽』, 同『上湯浸勝瓜』。不過無影相因為太好味,只掛住食 :p




Friday, July 03, 2009

Strawberry sorbet

今日睇527學左整sorbet, 原來依款甜品咁易做, 同整smoothie差唔多, 都係將材料切粒後放入攪伴機, 攪攪攪...之後放入雪櫃, 約個零鐘攞出黎用支叉, 叉叉叉..., 整D空氣入去, 跟住再雪一陣, 咁就食得啦。 如果有雪糕機就更easy, 將攪完嘅東東放入雪糕機攪20分鐘, it's ready to serve :) 

材料:
士多啤梨 ... 340克
檸檬汁... 1茶匙
橙酒 (Cointreau) ... 1/8 杯
橙蜜糖 (Orange Blossom Honey) ... 2湯匙




Sunday, June 28, 2009

亞妹至愛...生菜包

生菜包變化多, 鐘意包乜都得, 肉鬆, 鴨鬆, 鴿鬆...其實只要將材料切成粒粒用生菜包來食, 非常方便而且好味。今次我用左蠔豉, 合桃, 肉鬆, 紅籮白, 冬菇, 芹菜, 蔥白, 材料全部切粒, 炒香, 就係咁簡單。亞妹下次黎我到我煮俾你食, 唔洗係 club house 俾多$25加生菜啦, 不過我會將蠔豉, 芹菜 & 蔥白轉為午餐肉, 玉米 & 枝豆 :)







Saturday, June 27, 2009

北海道牛奶布丁(輕盈版)


















Milk Top 牛奶布丁一杯$20覺得好貴, 不過個樽仔可以循環再用, 有時都會買番屋企食。但係自家製嘅牛奶布丁可將『至肥』材料降低, 咁就更good 啦, 仲可以加入鍾意嘅Topping, yummy...

北海道牛奶布丁(輕盈版, 4小杯)
**************************************
北海道
牛奶...360克

淡忌廉...70克

糖...2湯匙
魚膠片...10克


做法:
1. 魚膠片浸凍水至軟身備用 。
2. 牛奶, 淡忌廉, 砂糖及魚膠片隔熱水坐溶。
3. 將混合物用篩隔好, 放入雪櫃雪1小時即成 。

Landing soup: 老黃瓜湯

今次為愛人預備嘅 landing soup 係清熱消暑老黃瓜湯, 幫他清清熱氣。
材料:老黃瓜/赤小豆/扁豆/豬展/果皮




Friday, June 26, 2009

Passion & Hunger


近來覺得自己老左, 因為同小朋友食飯唔洗俾錢, 長大了嘅小朋友今年入到大學啦。依次証明你揀岩左, 副學士一樣入到中大新聞系, Congratulations! 做人最緊要知道自己要D咩, 因為『悠由由』又一世, (哈哈哈依句係跟壞人學嘅, 見你今日用『粗口字』話過去無努力讀書, 用依句襯番你), 唔係『發光嘅星星』唔緊要 (因為無得揀), 但 PASSION & HUNGER 唔少得, 只要專心磨利刀, 1萬小時努力過後, 你都可以係 Outliners。至於揾唔搵到心中果團『火』, 我就幫你唔到, 要靠自己啦!但我送你一個熱情果人, 希望你快D搵到團火啦。

熱情果茶曲奇食譜
熱情果紅茶 。。。1包
牛奶 。。。1 湯匙
無鹽牛油 。。。 70g
糖粉 。。。30g
鹽 。。。少許
低筋麵粉 。。。120g
梳打粉 。。。少許

1) 紅茶包剪開, 茶碎加牛奶浸泡約30mins
2) 室溫牛油加糖粉用打蛋器打至均勻, 加入(1)的茶葉
3) 篩入低筋粉, 梳打粉, 用刮刀切伴
4) 做好的麵糰放入雪櫃雪1小時
5) 用時放室溫回暖一會, 用棍碌至想要的厚度並用曲奇餅模印出
6) 將曲奇放入已預熱的焗爐內,以180℃焗約15分鐘
















































Sunday, June 21, 2009

Strawberry smoothies

實在唔買唔得, 一來長柄士多啤梨又平又靚, 一磅裝只需$30幾蚊, 二來要買夠$88蚊換百佳環保袋, 我睇中左『寶礦力水特』果個。今日依盒士多啤梨不及前2星期做果醬的甜, 做 strawberry smoothies 要加入蜜糖調味。




花花COOKIE

本來預備做字母COOKIE, 麵團昨天巳做好, 但可惜新模出了點問題, 失敗了!所以, 櫻花季節雖然過去, 印下簡單的花形COOKIE,中間放粒入爐朱古力一樣受歡迎。


Saturday, June 20, 2009

醃子薑

子薑皮蛋, 子薑牛肉, 子薑炆雞, 子薑蒸魚頭雲 ...如要一年四季都可以煮子薑乜乜同物物, 就要係有靚子薑嘅時候-醃子薑, 只要醃得好, 無發霉子薑放係雪櫃一年都無問題。今天有運行,有大師父傳授醃子薑秘方,哈哈哈...仲有工人幫忙, 8斤子薑一陣就清理好。大師父仲有時間四方城, 利害!

以下份量可以做2-3小瓶
**********************
子薑...2斤
『八珍』白米醋(2.5%酸度)...600ml
糖...240g
蒜頭...3粒
鹽...17g

做法:
1) 子薑去皮, 切薄片(老的部份不要)
2) 清洗子薑後泡水, 子薑變軟後用『筲箕』格水, 加鹽醃大約半小時。
3) 將白米醋, 糖 & 蒜頭加入鍋內, 煲至有泡泡可熄火, 小心滾瀉。放涼待用。
4) 用手輕力揸出子薑水份, 用毛巾或廚房紙巾吸乾水份,
5) 將子薑入無水的玻璃瓶, 加入巳煮好及放涼的白醋, 白醋須蓋過子薑, 封密玻璃瓶。子薑要醃一星期, 子薑變紅色就食得啦。  

注意:
1) 不同牌子的米醋酸度有別, 八珍白米醋的酸度比較低, 所以糖份比例巳減少。
2) 用毛巾或廚房紙巾吸乾水份可以防止子薑發霉。

Friday, June 19, 2009

What a beautiful day!

Life is beautiful! :)

1) Home made hazelnut coffee
2) Truffle cheese with cracker


Thursday, June 18, 2009

XO 醬雙菌炒蘆荀

這個星期的目標係『少肉多菜』, 因為在外大魚大肉, 所以在家要吃得健康D。因此今天的晚餐係蔬菜+蔬菜+蔬菜!這個小炒的材料全是蔬菜包括t-Robot 最愛的:雲耳, 蘆荀, 杏鮑菇﹠紅蘿蔔, 配上野味的XO醬, 結果係簡單﹠好味, 這個係『利苑』對手!



Monday, June 15, 2009

芝麻彩絲牛蒡

牛蒡纖維高, 幫助排毒, 更可以降血脂同胆固醇, 很重要是牛蒡好味而且咁有益!

芝麻彩絲牛蒡
材料:
1) 牛蒡 ... 1條 (切絲)
2) 紅蘿蔔 ... 1/2條 (切絲)
3) 青瓜 ...1/2條 (切絲)
4) 日本小白菇... 1包
5) 芝麻... 少許

調味料:塩 /糖 /鼓油/麻油

做法:
1) 1-3項材料去皮切絲,小白菇洗乾淨待用
2) 加少許油入鑊中,先炒紅蘿蔔絲,跟著順序加入牛蒡絲,小白菇,最後加入青瓜絲,炒軟後加調味料,最後加入芝麻,上碟!

要牛蒡唔變黑原來可以幫牛蒡洗個汽水浴,由開心大發現提供