愛人一生最怕係蠢人, 常跟我說上帝最愛玩弄人, 既然他怕人蠢, 老了必是癡呆症病人, 到時又老又蠢, 點算?如果到時我未俾他激死, 相信我還會照顧他, 但通常人算不如天算, 都係幫他打好個底子, 希望將來不要變得太蠢就好了:P
根據“顧小培博士”的文章, 多吃黃薑可以減少癡呆症病發。可是問題來了, 愛人的飲食習慣是個超級中國佬, 黃薑很少用於廣東菜, 咖喱又不會常吃, 怎樣可以把黃薑加入我家的常駐食譜內。為了安撫這位聰明人, 家廚只好四出尋找相關食譜, 皇天不負有心人, 比我找到以下依個食譜, 食譜來自一間有機素食餐廳 “Grassroots Pantry", 因為加了黃薑同豆腐一齊煮, 色澤帶黃好似炒蛋, 所以店主將它命名為 Tofu Scramble。這道菜的味道不錯, 材料簡單, 做法容易, 就如炒蛋一樣,當小吃也可以。
豆干 ........................ 1pc
青椒粒 .................... 20g
鮮冬菇粒 ................ 20g
小茴香籽 ................ 1/4 tsp
芫茜粉 .................... 1/4 tsp
黃薑粉 .....................1/4 tsp
鹽,胡椒粉 .............. 少許
油 ............................. 適量
1) 先將豆干捏碎。開鑊, 下油爆香小茴香籽。
2) 加入豆干碎, 煎香一面至轉色, 反轉另一面再煎。
3) 隨後將餘下材料加入, 拌勻煮好即成。
* 我買不到鮮冬菇,改用了 Bunashimeiji mushroom 代替。